موقع كنيسة مارجرجس بالسنطة

مواضيع روحية

عين بابا يسوع

عين بابا يسوع

عين تشوف فيك العيوب و عين تشوف انك علي طول مغلوب و في عين تشوفك دايمًا حزين و عين تشوف علي الموت فاضلك يادوب خطوتين، عين تبصلك و تفضل تسعدك بس لما تزهق تشوف غيرك، عين تحاكمك العين بالعين و السن بالسن و عين زيها تدينك و بحجر ترميك، عين تشوفك جاي من بعيد تجري منك و تقفل الباب ف وشك، عين تانية تعرفك لكن لما تقابلك تتبري منك.. لكن عين بابا يسوع عكس كل العيون دي، عين تعرفك من قبل ما تتولد و مش ممكن تتبري منك، عينه تشوفك وانت جاي من بعيد، يفتحلك حضنه و يجري هو عليك، عينه في عزّ خطيتك تقولك “انا لا ادينك”، عينه تشيل الحكم عنّك و تنقذك من كل اللي يشتكي عليك و يهينك، عينه مش ممكن تزهق منّك، عينه تتحنن عليك و مش ممكن تسيبك، عينه تبعد الموت عنك، تمحيه و تزيله، عينه عايزة تشوفك علي طول فرحان، عين بابا يسوع شايفة فيك جمال من غير حدود،عينه مش فاقدة فيك الأمل، عينه واثقة فيك انك تقدر تكمل طريقك حتي لو كان مسدود، و لما تقول مش هاقدر عينه تيجي تشجعك و تقومك مهما وقعت، عين بابا يسوع بتحبك مهما كنت. بقلم ابن الكنيسه المبارك: داڤيد سامح

إرسل لصديق

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

تعليقات فيسبوك

تصويت

ما رائيك في شكل الموقع الجديد