تاريخ اليوم /  شعارنا ايد تبنى ايد تعلى ايدتصلى ايد متعملش غلطة هما دول فريق كنيسة مارجرجس بالسنطة

العودة   منتدى كنيسة مارجرجس بالسنطة > منتديات المسرح الكنسي > منتدي نصوص مسرحيات مسيحية

إضافة رد
نسخ الرابط
نسخ للمنتديات
 
أدوات الموضوع انواع عرض الموضوع
قديم 18-03-2010, 08:01 PM   #1
مشرف ( المسرح الكنسي )
 
رقم العضوية : 4326
تاريخ التسجيل: Mar 2009
الدولة: مركز السنطه / غربيه
المشاركات: 1,405
معدل التقييم : 10
مينا صبحى is on a distinguished road

 

افتراضي مسرحيه لعيد الام ( بدون مقابل ) تاليف خدام كنيسة مارجرجس بالسنطة

بسم الاب والابن والروح القدس اله واحد امين


كنيسه الشهيد مارجرجس بالسنطه
تقدم
بمناسبه عيدالام
مسرحيه بدون مقابل
تاليف خدام كنيسة مارجرجس بالسنطة
الشخصيات

ابانوب
مينا
جورج
هاني
الام

تبدأ المسرحيه علي مينا وامه يدخلان الي الصاله " المسرح "

مينا : يلا عاوزة حاجه انا ماشي بقي
الام : رايح فين يا مينا في الوقت المتأخر ده هتخرج حالا الساعه عدت 1 بالليل
مينا : نعم هو انا عيل صغير هتقوليلي رايح فين انا حر يا ستي
الام : هو انا علشان خايفه عليك ابقي بقولك انتا عيل
مينا : عاوزة ايه حالا انا هخرج ومش كل شويه تفضلي تقوليلي الكلام ده
الام : يبني اسمعني انا خايفه علي مصلحتك
مينا : يعني هو انا مش عارف مصلحتي يعني انا اهبل ولا ايه افضلي انتي كل شويه ضايقيني بكلامك ده خنقتيني يا شيخه انا ماشي
الام : يبني بس استني مينا .. مينا
" يخرج مينا مسرعا وهو في قمه الغضب "
وتبكي الام علي ابنها ثم تقول :-
الام : يارب احفظهولي وخلي بالك منه يارب متحاسبهوش علي اللي هو بيعملوا معايا . يارب السكينه سرقاه يارب انا نفسي بس اشوفه منتبه في حياته ودروسه علشان يكبر ويبقي حد كويس ويتجوز واشوف ولاده نفسي يارب يروح الكنيسه ويتناول يارب خليك معاه يارب واحفظه ليا من كل شر
" ثم تبدأ في الصلاه " بسم الاب والابن والروح القدس ............."


المشهد التاني يبدأ علي مجموعه اصدقاء يجلسون مع بعض يتبادلون اطراف الحوار يلقون علي بعض الدعابات ثم يرن هاتف احدهم وهو مينا
مينا : ألو
الام : ايوة يا مينا انتا فين يا حبيبي
مينا : طب ثواني كده " ثواني يا جماعه وجاي"
ثم يعاود الحديث في التليفون
مبنا : إيه عاوزة ايه
الام : انتا فين يا مينا إتاخرت ليه يبني بقالك اسبوع برا البيت ومش عارف انتا فين ؟
مينا : هو أنا عيل صغير علشان كل شويه تتصلي بيا كده


الام : هو انا علشان بطمن عليك تبقي عيل صغير
مينا : بس لما تفضلي كل شويه تفضلي تزني علي دماغي كده وانتا فين بتعمل ايه اتاخرت ليه كده مبقاش عيل صغير علي فكره بجد انا اتخنقت من تصرفاتك دي وبردو قبل ما انزل عملتي نفس الحكايه بقولك ايه اقفلي انا مش جاي وهرجع بمزاجي

ويغلق الهاتف فجاه


ثم يعود الي اصحابه

مينا : ايه يا جماعه كنا بنقول ايه ؟
ابانوب : ايه يبني صوتك كان عالي ليه كده ومين ده اللي انتا مخنوق منه كده
مينا : امي يا عم كل شويه انتا رايح فين وخارج ليه والمزاكره لحد ما زهقت بجد يا جماعه انا عاوز اسيبلها البيت وامشي

هاني : يعني لو مشيت من البيت هتروح فين
مينا : علي رايك ياريت لو هي اصلا مكنتش موجوده عارف انتا لو تختفي من حياتي بقي في قمه السعاده مش هتفضل بقي تقولي كل شويه الكلام الرخم بتاعها ده


ثم يبدأ صديقه جورج في البكاء

يتكلم مينا ويساله

مينا : ايه يبني فيه ايه بتعيط ليه ؟
جورج : في الوقت اللي انتا فيه بتعمل في امك الكلام ده ونفسك امك متبقاش موجوده اصلا انا بس بتمني اشوفها ولو مرة واحده نفسي بس اشوفها واقولها اسف علي اي حاجه انا عملتها زعلت مني فيها

مينا : يا جورج انتا حاجه وانا حاجه

جورج : انا امي ماتت وانا صغير ماتت في الوقت اللي كنت نفسي فيه تحضني وتضمني بايديها زي بقيت الاطفال
وانا صغير كنت بشوف اصحابي معاهم امهم ماسكين في ايديهم والحنيه في عنيهم لو اي حد فيهم حصلوا حاجه امه كانت بتقوم تجري عليه
وانا اتحرمت من كل ده مكنش عندي ام تحضني وتخاف عليا
حتي لما كبرت وكبرت مشاكلي معايا كنت دايما ببقي نفسي ام تبقي موجوده جنبي أحكيلها مشاكلي وهي تسمعني ولما اكون تعبان من مشاكل الدنيا علي الاخر اترمي في حضنها وافضل ابكي وهي تطبطب عليا بحنيه وتواسيني وتحاول تنصحني اعمل ايه

هاني : خلاص يا جورج هو انتا يعني كنت عملت حاجه تزعلها منك

جورج : لا ده انا حتي ملحقتش اشوفها وانا كبير علشان اشوف حنانها زي كل الامهات
عارفين كان نفسي في ايه ؟
أبانوب : ايه يا جورج ؟
جورج : عيد الام اهه كمان كام يوم كان نفسي اجيب ليها هديه واقولها كل سنه وانتي طيب وابوس ايديها واقولها شكرا يا ماما علي حنانك ليا
وشكرا علي كل حياتك اللي كنتي عايشاها علشاني .. ياااه ياحبيتي يا امي نفسي اشوفك ولو لحظه بس... وحشاني اوي ياامي
"يترمي في حضن ابانوب"
ابانوب : خلاص يا جورج ما تعملش يبني كده انتا اي نعم عشت من غير ان لكن كان العدرا امك معوضاك و حافظاك من كل شر وحضناك دايما بحنانها

مينا : ياااه قد يا جورج حسستني اني اعمي قد ايه يا جورج انا كنت غلط في كل حاجه بعملها يعني انتا حاس بده كله وطول عمرك كان نفس يبقي ليك ام تخاف عليك وتحضنك وانا عملت ده في امي
في الوقت اللي فيه انتا كان نفسك تحضن امك انا كنت بزعق معاها وفي الوقت اللي كان نفسك تبوس ايديها كنت انا بخليها تبكي عليا وبسيبها بالايام لوحدها كانت دايما بتنصحني وانا كنت ببعد عنها لما كنت ببقي تعبان ومريض كانت بتسهر جنبي تبكي وتصلي علشاني ان ربنا يشفيني كنت بسغرب اوي وانا صغير علي عياطها علشاني لكن حالا بس عرفت قد ايه هي كانت بتحبني
يا حبيبتي يا امي يا حبيبتي قد ايه كنت تايه ومش شايف كل الحنان ده منك
انا فعلا ناكر للجميل

هاني : ازاي بس احنا مش بنحس بكل الحنان ده من الام الا بعد فوات الاوان وبعد ما بنكون جرحناهم كتير اوي

ابانوب : وليه فات الاوان ليه لسا الوقت قدامك قوم يا مينا وروح ليها في البيت واعتذر ليها علي اللي انتا عملته ده
جورج : قوم يامينا صدقني كل حاجه في الدنيا دي ممكن تكون مزيفه الا حنان الام بجد مش بيكون علشان مصلحه وعلشان هما عاوزين حاجه بس بجد بيكون حنان بدون مقابل

يلا بينا

المشهد التالت في البيت عند مينا "
يدخل مينا واصحابه وامه مش في البيت
مينا : يا ماما انتي فين ماما ... اكيد زعلت مني وسابت البيت
ابانوب : يعني كان لازم تزعق معاها
مينا : انا غلطان يا امي يا تري رحتي فين بس يارب علي قد صلاتها ليك علشان ابقي انا حد كويس وعلي قد حنيتها عليا رجعها ليا يارب صدقني انا هبقي حد كويس وهصلي وهروح الكنيسه ومش هزعلها مني تاني ابدا بس ترجع تاني
" تدخل الام من الباب "
الام : مينا انتا جيت
مينا : " مقبلا يد امه ويقول "
مينا : ماما انتي كنتي فين انا الفتكرتك زعلتي مني وسبت البيت
الام : لا يا حبيبي انا عمري ما ازعل منك ابدا ده انتا ضنايا
مينا : يااه حنينه اوي يا امي قلبك حنين اوي عليا وانا مكنتش شايف ولا واخد بالي من كل الحنيه دي
الام : يبني انا بس عايشه لمين الا علشانك انتا ده انتا ابن بطني ومليش حد غيرك

مينا : سامحيني يا امي علي كل حاجه عملتها في حقك غلط النهارده او امبارح او اي يوم اي غلطه انا غلطتها فيكي سامحيني انا عارف ان انا مستهلش انك تسامحيني لكن بردو عارف ان قلبك كبير حنانك يكفي العالم كله بلاش تزعلي من وارضي عليا في الوقت اللي انتي كنت خايفه عليا انا كنت بقاابل ده بكل قسوه مني
الام : مسامحاك يبني راضيه عليك طول عمري بس لازم ربنا كمان يرضي عليك صليله علشان يقبل توبتك
مينا : حاضر يا ماما هصلي وهروح الكنيسه ياريت تقبلي مني الهديه البسيطه دي بمناسبه عيد الأم

الام : شكراً يا حبيبي تعيش وتجيبلي بس يبني انا كل اللي كنت بترجاه من الدنيا اني اشوفك ماشي في طريق ربنا وعارف طريق الخير فين وتكون سعيد في حياتك . انا دعيت ربنا انه يحفظك ويرجعك ليا واديه اهه نفس وعده معايا شكرا ليك يا رب انك رجعتلي ابني وعرفته طريقك
مينا : يا امي دول اصحابي وهما اللي رجعوني ليكي وعرفوني قد ايه انا كنت غلطان
الام : تعالوا يا ولاد كلنا نصلي وندعي ربنا
يارب شكرا ليك علي انك رجعت مينا ابني ليا وكنت معاه لحظه بلحظه حاميه بملائكتك من كل شر. يارب خليه معاك علي طول وخليك جنبه وكمان اصحابه خليهم جنبك ونورلهم طريق الخير ابعد عنهم طريق الشر
غير ابنى زى مغيرت القديس اغسطينوس ابن الدموع
ترنيمه .......................

تاليف خدام كنيسة مارجرجس بالسنطة






  شارك برأيك

مينا صبحى غير متواجد حالياً   رد مع اقتباس
قديم 18-03-2010, 08:07 PM   #2
 
رقم العضوية : 2347
تاريخ التسجيل: Feb 2009
الدولة: فى قلب يسوع
المشاركات: 3,990
معدل التقييم : 10
kokofox is on a distinguished road
افتراضي

شكرا كتير على المسرحيه الجميله
ربنا يعوض تعبك و خدمتك
صلى من اجلى

kokofox غير متواجد حالياً   رد مع اقتباس
قديم 18-03-2010, 08:25 PM   #3
 
رقم العضوية : 10974
تاريخ التسجيل: Oct 2009
المشاركات: 10,973
معدل التقييم : 10
جوكا is on a distinguished road
افتراضي

شيبهموت مينا على تعبك

ربنا يباركك

جوكا غير متواجد حالياً   رد مع اقتباس
قديم 22-03-2010, 02:29 AM   #4
 
رقم العضوية : 1
تاريخ التسجيل: Oct 2008
الدولة: http://www.sg-es.net
المشاركات: 55,636
معدل التقييم : 11
admin تم تعطيل التقييم
افتراضي

مسرحية جميلة شكرا ليك ربنا يبارك حياتك ومجهودك

admin غير متواجد حالياً   رد مع اقتباس
قديم 25-03-2010, 06:58 PM   #5
 
رقم العضوية : 12783
تاريخ التسجيل: Nov 2009
المشاركات: 73
معدل التقييم : 10
king.sons is on a distinguished road
افتراضي

ميرسي اليك كتير علي تعبك وعلي العمل الرائع ده وبجد الام نعمه لينا وربنا يخليهالنا ويخلي قبلها الكنيسه امنا الروحيه وميرسي ليك تاني علي العمل الرائع ده

king.sons غير متواجد حالياً   رد مع اقتباس
قديم 10-04-2010, 08:30 PM   #6
مشرف ( المسرح الكنسي )
 
رقم العضوية : 4326
تاريخ التسجيل: Mar 2009
الدولة: مركز السنطه / غربيه
المشاركات: 1,405
معدل التقييم : 10
مينا صبحى is on a distinguished road
افتراضي

ميرسى جدااااااااااااا ديدى على مرورك الرائع وبجد انا اللى متشكر على هديتك للمنتدى ومنتظر منك المزيد
ميرسى واذكرنى فى صلاتك

مينا صبحى غير متواجد حالياً   رد مع اقتباس
قديم 10-04-2010, 10:56 PM   #7
 
رقم العضوية : 9894
تاريخ التسجيل: Sep 2009
المشاركات: 5,546
معدل التقييم : 11
††خادمة الرب†† is on a distinguished road
افتراضي

مسرحية جميلة جداااا
شكرااا جزيلا مينا

الرب يبارك حياتك ومجهودك الجميل فى القسم

††خادمة الرب†† غير متواجد حالياً   رد مع اقتباس
قديم 20-06-2010, 12:35 AM   #8
 
رقم العضوية : 19999
تاريخ التسجيل: Jun 2010
المشاركات: 7
معدل التقييم : 10
st-mary is on a distinguished road
wow
بجد مئسرة جدا

st-mary غير متواجد حالياً   رد مع اقتباس
قديم 21-08-2010, 11:32 PM   #9
 
رقم العضوية : 17177
تاريخ التسجيل: May 2010
المشاركات: 195
معدل التقييم : 10
tota shokry is on a distinguished road
افتراضي

بجد روعة ربنا يباررك كتير

tota shokry غير متواجد حالياً   رد مع اقتباس
قديم 06-12-2010, 06:13 PM   #10
 
رقم العضوية : 102647
تاريخ التسجيل: Nov 2010
المشاركات: 657
معدل التقييم : 10
ميلاميلودى is on a distinguished road
افتراضي

حلوةةةةةةةةةةةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةة و خصوصا ان النقيض موجود واحد عندة الام و مش عارف قيمتها و الثانى معندوش ام و عارف قيمتها

ميلاميلودى غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
مسرحيه, الام, عيد

مواضيع ذات صله منتدي نصوص مسرحيات مسيحية



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:14 PM.


RSS RSS 2.0 XML MAP HTML

Powered by vBulletin Copyright © 2013 vBulletin Solutions, Inc

sitemap.php - sitemap.html

Feedage Grade A rated
Preview on Feedage: %D9%85%D9%86%D8%AA%D8%AF%D9%89-%D9%83%D9%86%D9%8A%D8%B3%D8%A9-%D9%85%D8%A7%D8%B1%D8%AC%D8%B1%D8%AC%D8%B3-%D8%A8%D8%A7%D9%84%D8%B3%D9%86%D8%B7%D8%A9 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to Windows Live iPing-it Add to Feedage RSS Alerts Add To Fwicki
   سياسة الخصوصية - privacy policy - الانجيل مسموع ومقروء - راديو مسيحى - sitemap              خريطة المنتدى
أقسام المنتدى

كتاب مقدس و روحانيــــــات @ المواضيع الروحيه @ شبابيات @ قصص وتأمـــــلات @  العقيدة المسيحية الأرثوذكسية @ منتدى الصوتيات و المرئيات @ المرئيات و الأفلام المسيحية @ منتدى الترانيم @ ترانيم فيديو كليب @ منتدى الألحان والقداسات والعظات والتماجيد @ صور وخلفيات مسيحية @ منتدى صور لرب المجد @ منتدى صور للعذراء مريم @ منتدى صور للقديسين والشهداء @ منتديات الصور العامة @ قديسين وشهداء وأباء كنيستنا @ معجزات القديسين @ أقوال الأباء وكلمات منفعة @ تماجيد ومدائح قديسين @ شنوديات @ المنتديات المسيحية @ قصص دينية للأطفال @ صور للتلوين  @ منتدى أفكار جديدة للخدمة @ المنتديات العامة @ من كل بلد اكلة @ المنتدى الرياضى منتدى الكتب المسيحية @ منتدى الطب والصحة @ منتدى الادبى العام @ منتدى الصلاه وطلباتها @ دراسات في العهد القديم @ دراسات العهد الجديد  @شخصيات من الكتاب المقدس @ منتديات المسرح الكنسي @ منتدي نصوص مسرحيات مسيحية @ الاخراج وادارة المسرح @ الموسيقي التصويرية  @ أســـامى للولاد +*Boy names*+ @ أســـامى بنات +*Girl names*+ @ منتدى أم النور العذراء مريم @ منتديات الاسرة @ منتدى الديكور @ صحة وجمال @ منتدى اللغات @ منتدى اللغة القبطية @ منتدى اللغة الانجليزية @ سير القديسين والشهداء @ منتدي الطقس الكنسي @ منتدي اللاهوت و العقيدة @ ايات من الكتاب المقدس @ رنم ألف وأكتب @ منتدى قداسة البابا كيرلس السادس @ منتدى التاريخ الكنسي @ السنكسار اليومى @ فيديو مسرحيات وعروض كنسيه @ الانجيل اليومي @ منتدى الأخبار @ كلام فى الحب  @ منتدى اسماء الأطفال +* Baby Names *+ @ القسم القانوني @ منتدى رعاية الطفل @ ترانيـــم أطفـــال @ ملتيميديا الطفل المسيحى @ منتدي الأسرة المسيحية @ صـور مسيحيـة @ مزامير داوود مع القيثارة والعود @ القديسيــــن والآباء @ منتدى الخدمة الكنسية @ منتدى المواضيع العامة @ الأخبار و الأبحاث الطبية @ العلاج الطبيعى والأعشاب @ منتدي دراسات الكتاب المقدس @ Foreign News @ ترفيه وتسلية @ قضايا ساخنة @ فضائيات - فيديوهات @ منتدي البابا تواضروس الثانى @ News @

1 2 4 5 6 7 8 9 10 12 13 14 15 16 18 19 20 21 22 26 27 29 30 33 35 36 40 42 43 52 53 54 56 63 69 70 77 78 79 84 88 89 91 92 96 107 108 113 115 116 120 121 122 123 124 129 130 131 146 148 150 172 173 185 189 190 191 192 193 194 199 200 204 205 206 207 208 209 211 212 218 219 221 222 223 224 226 227 228 229 230 231 237 238 239 240 241