موقع كنيسة مارجرجس بالسنطة

قصص وتأملات

رسالة من القلب متشلش الهم

رسالة من القلب متشلش الهم

جلوريا حنا أيام الإمتحانات، كنت مشغولة جداً لأن المدرسة عملت كل يوم إمتحان، ويدوب أسبوع أجازة العيد وبعد كدة كملنا. الحقيقة رغم أن مكانش عندي مشاكل أوي لكن كنت حاسة بإرهاق كبير، عشان كنت بسهر أذاكر وبقوم الصبح بدري عشان الإمتحان وأرجع أنام شوية، بعد كدة علطول مذاكرة المادة اللي بعديها. المشكلة مكانتش كدة أوي، مشكلتي الكبيرة كان إمتحان العربي، كان المفروض أذاكره كله في يوم ونص وأنا عندي قصة ونصوص وقراءة وأدب ونحو وبلاغة، كلهم طوال أوي، من بداية ثانوي والعربي بيتحط في نص أسبوع الإمتحانات وهي كانت مادة بالنسبة لينا كلنا صعبة وهي في أول يوم وعندنا فرصة كبيرة نذاكرها حسب قدرات كل واحد فينا، فمابالكم في يوم ونص؟! مقدرش أقولكم كنت حاسة بإيه، ده كان ضغط كبير لدرجة إني وصلت لمرحلة أني  بكيت، وكنت تعبانة لأن دي أكتر مادة سهرت فيها عن أي مادة تانية، ومع ذلك مخلصتش وكان لازم أنام. كنت بصلي جامد لأني خفت أني معملش كويس رغم إني تعبت في المذاكرة. ربنا استجاب لي، ومصدقتش إن الإمتحان جه في حاجات أنا مذكراها كويس (بغض النظر عن النحو طبعاً). ورغم إني كنت في حالة تعب من الضغط اللي حاصلي، لكن في المادة اللي بعديها كنت هادية جداً وذكرت كويس. بصراحة أنا كنت أوفر يوم العربي لكن ربنا قدَّر قلقي وساعدني، ويا ريت أعمل باللي إتعلمته. لأني اتعلمت وعرفت إن مافيش حاجة تستاهل كل ده، وكل اللي المفروض أعمله إني أعمل اللي عليا وعلى قدر قوتي، وأسيب الباقي على ربنا. يعني زي ما بيقول الكتاب: “إِلهَ السَّمَاءِ يُعْطِينَا النَّجَاحَ، وَنَحْنُ عَبِيدُهُ نَقُومُ وَنَبْنِي” نحميا 20:8

إرسل لصديق

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

تعليقات فيسبوك

تصويت

ما رائيك في شكل الموقع الجديد