موقع كنيسة مارجرجس بالسنطة

المسرح الكنسى

اوبريت عيد رأس السنه / تاليف خدام كنيسة مارجرجس بالسنطة حصريااااااااا

اوبريت عيد رأس السنه / تاليف خدام كنيسة مارجرجس بالسنطة حصريااااااااا

الالة الواحد امين

كنيسة مارجرجس بالسنطة
تقدم
اوبريت (مولود المزود )
يدخل شخص ومعة احد اصدقائة ويقول لة
كيرلس : هو الواد انور راح فين دة كان هنا قدامى
انور : (يدخل ومعة بعض الشنط )
كيرلس : انت هنا وانا عمال ادور عليك انت رحت فين
انور : انت باين عليك ناسى ان النهاردة عيد رأس السنة وكنت بحضر للعيد دة وبجيب زينة لشجرة الميلاد
كيرلس : اية دة معقول السنة دى عدت كدة بسرعة كدة دا الواحد محسش بيها خالص
انور : مش مهم تحس بيها المهم انك تكون استفدت بيها
كيرلس : استفدت بيها يعنى اية ....... اة فهمت يعنى اكون نجحت فى المدرسة
انور : لاء ... تكون نجحت مع ربنا .. ربنا ادلينا الايام دى علشان نعيشها معاة ونعمل خير فى الناس ونكنز لينا كنوز بس فى السما مش فى الارض
كيرلس : انا عن نفسى حققت كل اهدافى فى السنة دى
انور : انا بأة حققت اهم هدف فى حياتى
كيرلس : واية هو اهم هدف فى حياتك
انور : اهم هدف هو انى معملش خطية كنت بعملها السنة اللى فاتت وكل سنة اتخلى عن خطية لحد مخلص على كل ضعفاتى وابقى انسان جديد
كيرلس : يا كل دة
انور : طبعا انت ناسى يسوع اتولد لية وعلشان اية دة اتولد علشلنا احنا انت عارف قصة الميلاد
كيرلس : قصة الميلاد .... قصة الميلاد
انور : يا خبر معقول متعرفش قصة الميلاد فى حد فى الدنيا ميعرفش قصة الميلاد
كيرلس : لاء انا فاكرها بس عاوز حد يفكرنى بيها ( ارجوك فكرنى )
انور : يا حكاية قديمة ومن زمان ... حكاية عظيمة كلها عطاء
حكاية بذل اتضاع ........جة الملاك للعذرا وقالها
(الكورس 1)
جة الملاك من السما وظهر للعذرا مريم
قال لهاهتحبلى والمولود ابن العلى
يا ارض افرحى دة يسوع جاى من السما
جاى ارضنا بقى زينا

كيرلس : ازاى ........ ربنا ينزل ويعيش زينا ياكل ويمشى على الارض ويسيب السما
انور : بقولك حبنا .. حبنا وساب الغنا واتولد المسيح الهنا .. علشان خلصنا علشان يشيل خطيانا ؟ وظهر نجم فى السما
كيرلس : وظهر نجم فى السما
انور + كيرلس : وظهر نجم فى السما
(الكورس )
وظهر نجم فى السما ماشى ينور ارضنا
والماجوس كانوا ساهريين والرعاة ماشيين
وهما مش عارفين ان يسوع هنا
والنجم لسة ماشى وبعد زمن قليل
والرعاة قاموا بسرعة والسما بالرب فرحة
وتركوا القطيع وقصدوا الطفل الرضيع
انور : اية دة الرعاة مشيوا ورا النجم اللى فى السما للمكان اللى اتولد فية ربنا
كيرلس :والمجوس كمان راحوا يسجدوا للملك
انور : اكيد اتولد فى قصر كبير
كيرلس : اتولد فى مكان ليس لإنسان
انور : مكان ليس لانسان
(انور +كيرلس ) مكان ليس لانسان
(الكورس )
وبعد زمان قليل دخلوا المغارة
شاهدوا الطفل الرضيع منبع الطهارة
امة كانت هناك مع يوسف والملاك
ايها الرعاة انظروا الرب المجيد
(كيرلس + انور )
مجدوة مجدوة .............. فعلى الارض السلام وسرور للبشر
المجد للة فى الاعالى
وعلىالارض السلام
ولله المسرة

إرسل لصديق

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

تعليقات فيسبوك

تصويت

ما رائيك في شكل الموقع الجديد